Tirana dhe Vllaznia do të luajnë këtë të mërkurë supersfidën e vlefshme për javën e 11-të të Superiores. Klasikja e Shqipërisë do të luhet në “Roza Haxhiu” të Lushnjës, duke nisur nga ora 14:00.
Pikërisht ky stadium kthen dy ekipet 18 vite pas në kohë. Para 18 vitesh, Klasiken e Shqipërisë tifozët e shijonin pikërisht në Lushnjë, por jo si ndeshje e Superiores. Tirana dhe Vllaznia përballeshin në finalen e Kupës së sezonit 2005-2006.
Kujtojmë që asokohe sfida përfundonte 1-0 në favor të bardhebluve. Golin e vetëm të këaj sfide e shënonte Klodian Duro, i cili i dha Tiranës torfeun e 13-të.
