Tirana dhe Teuta do të përballen këtë të shtunë për të luajtur ndeshjen e vlefshme për javën e 35-të të Superiores. Sfida që do të zhvillohet në stadiumin “Arena Kombëtare”, do të nisë në orën 15:30.
Një duel direkt për mbijetesën, duke ditur që të dy ekipet janë shumë pranë njëra-tjetrës me pikë. Teuta me 38 pikë mban vendin e 6-të, ndërsa bardheblutë në vendin e 8-të kanë 36 pikë.
Megjithatë e shkuara favorizon skuadrën e drejtuar nga Bledi Shkëmbi. Në 60 ndeshjet e fundit, Tirana ia ka dalë që të triumfojë 21 herë, përballë 17 fitoreve të Teutës. Ndërsa 22 duele kanë përfunduar në barazim.
