Vllaznia – Egnatia do të jetë ndeshje më spektakolare e këtij sezoni në futbollin shqiptar. Kjo pasi do të luhet mes tyre finalja e titullit në Superiore.
Duel që do të zhvillohet më 12 maj në orën 20:00 në “Arenën Kombëtare”. E kur jemi vetëm 3 ditë para kësaj sfide “NEWSPORT.al” ka mësuar edhe numrin zyrtar të biletave të shitura.
Deri më tani janë shitur mbi 7 mijë bileta. Kjo do të thotë se mbi 7 mijë tifozë do të jenë në stadium për të parë këtë finale. Sigurisht numri i tyre do të vazhdojë të rritet në ditët në vazhdim, pasi siç jemi mësuar tashmë, shumë prej tifozëve preferojnë të blejnë biletën gjatë ditës së ndeshjes.
