Tirana do të luajë të shtunën kundër Partizanit në kuadër të javës të 6 të Superiores. Skuadra e drejtuar nga Bledi Shkëmbi vjen në këtë përballje pas 5 barazimeve në 5 javët e para. Bardheblutë do të tentojnë të thyejnë tersin ndaj rivalit të përjetshëm siç është Partizani.
26 herë kampionet e Shqipërisë po përgatiten prej ditësh dhe atmosfera në skuadër është mjaft pozitive. Lojtarët bashkë me trajnerin kanë shprehur bindjet e tyre për një rezultat pozitiv.
Aktualisht Tirana gjendet në vendin e 7 me 5 pikë, ndërsa Partizani në të katërtin me 8 pikë. Ndeshja Partizani-Tirana është programuar të zhvillohet të shtunën në orën 20:00 në stadiumin “Air Albania” në kryeqytet.
