Ashtu si Superiorja edhe Kategoria e Parë ditën e sotme do të marrë vëmendjen. 4 ndeshje mjaft të rëndësishme dhe të luftuara janë në program, takime këto të vlefshme për javën e 19-të të kampionatit.
8 ekipet do të zbresin në fushë në të njëjtën orë, 13:30 dhe do të bëjnë mes tyre llogaritë e kësaj jave. Kështu Besa e Kavajës do të presë në “Egnatia Arena” skuadrën e Erzenit, ndërsa Apolonia do të luajë në transfertë ndaj Burrelit.
Interesante do të jetë edhe përballja mes Kastriotit dhe Kukësit, ndërsa dueli i fundit i ditës së sotme do të jetë mes Lushnjes dhe Vorës.
