I vetmi objektiv në kampin e Dinamos në javën e fundit të sezonit të rregull në Superiore është nënkampion, nëse Vllaznia nuk ia del të marrë fitore. Por sa shpresa ka skuadra e Tiranës për ta “thyer” Dinamon?
Nëse i referohemi statistikave në 5 ndeshjet e fundit, rezulton se ekipi i Ilir Dajës ka pësuar 9 gola, më shumë se çdo rivalë tjetër ne elitën e futbollit shqiptar.
Pikërisht kjo “panoramë” rrit shanset te badheblutë për të siguruar 3 pikët dhe evitimin e rënies nga kategoria. Tirana vjen pas humbjes në Durrës dhe një tjetër disfatë i mbyll “hesapet” me Superioren.
