Të dielën në orën 15:00 do të zhvillohen të gjitha takimet e javës së fundit të Kategorisë së Parë, takimi më i rëndësishëm është ai mes Vorës dhe Flamurtarit. Një përballje tejet e vështirë kjo për skuadrën vlonjate në transfertë.
Skuadra e Flamurtarit pozicionohet në vendin e dytë të renditjes që e çon direkte në Kategorinë Superiore, por është vetëm një pikë larg Besës së Kavajës që ndodhet një vend më poshtë.
Ekipi i Emiliano Çelës do të përballet në transfertë me Valbonën në një ndeshje të thjeshtë në letër. Në rast të një fitoreje të Besës dhe qoftë një barazim i Flamurtarit ndaj Vorës, ekipi vlonjat do të zbriste në zonën e Play Off-it.
