E ardhmja e Ademola Lookman vazhdon të jetë temë debati te Atalanta. Sulmuesi nigerian po e konsideron seriozisht largimin nga Bergamo për një klub të madh evropian dhe duket se nuk ka mungesë të pretendentëve dhe Arsenali thuhet se i është bashkuar listës së gjatë të ekipeve të interesuara për lojtarin e lindur në vitin 1997, raporton “Sky Sport DE”.
Paris Saint-Germain gjithashtu mund të trokasë përsëri në derë, ashtu si edhe Juventusi. Kostoja e lojtarit mbetet gjithmonë e njëjtë, përtej momentit të rënies klubi nuk ka ndërmend të bjerë nën 50 milionë euro. Nuk do të ketë mungesë ofertash, madje as nga klubet e mëdha angleze, prandaj “ankandi” mund ta rrisë çmimin.
