Kryetari i Bashkisë së Sarandës, Oltion Çaçi ka pranuar se situata me tualetet publike është e vështirë. Në një mbledhje të Këshillit Bashkiak, Çaçi ka lëshuar alarmin se qyteti bregdetar nuk ka vend për të ndërtuar tualete publike. Sipas tij, për momentin, e vetmja zgjidhje është ajo e tualeteve portabël.
“Po rregullohen tashmë këto që janë në qendër. Eshtë e vërtetë, që ka probleme më hapësirat publike për të ndërtuar tualete të tjera, por do mundohemi të gjejmë disa mundësi për tualete portabël, të cilat u japin mundësi të gjithë turistëve të kenë hapësirat e tyre për të kryer nevojat, të cilat janë të domosdoshme,”-deklaroi Çaçi.
Mungesa e hapësirave publike duke përfshirë parqet, këndet e fëmijëve dhe tualetet është një nga ankesat kryesore që turistët e huaj kanë për Sarandën.
