Armando Sadiku është momentalisht pa ekip dhe po kërkon një aventurë të re. Në këto ditë pushimesh, sulmuesi i Kombëtares shqiptare është rikthyer në atdhe, teksa ditën e sotme është “shfaqur” në “Elbasan Arena”.
Sadiku ka ndjekur nga afër ndeshjen e Kampionatit Europian, Shqipëri U17 – Gjermani U17, e cila u fitua 0-4 nga këta të fundit. “Bomberi” 33-vjeçar ka publikuar një foto në “Instagram”, ku krah tij është edhe ish-kapiteni i ekipit të Elbasanit, Orgest Gava.
Vlen të përmendet se në këtë prag-merkato, Sadiku po përflitet shumë për një rikthim te Elbasani. Nuk dihet ende nëse ky operacion do të kryhet me sukses, por “zërat” po shtohen çdo ditë e më shumë.
Foto e Armando Sadikut në Instagram
