Pakti mes Italisë dhe Shqipërisë për emigrantët tashmë shihet si model i mirë edhe në Danimarkë. Shumë vende të BE-së kërkojnë t’i transferojnë emigrantët, sidomos të atyre me precedentë penalë, t’i strehojnë në vende që nuk janë në BE.
“Emigrimi i parregullt është një dosje shumë e rëndësishme për ne. Ne gjithmonë kemi pasur lidership politik në këtë. Ne do të punojmë mbi konceptin e vendeve të sigurta brenda direktivës së riatdhesimit. Nuk mund të lejojmë që flukset e parregullta të dobësojnë kohezionin evropian”, tha në një konferencë për shtyp me disa gazeta evropiane me rastin e fillimit të presidencës daneze, ministrja daneze për Çështjet e BE-së, Marie Bjerre.
“Do të kemi një koncept të ri të vendeve të sigurta”, siguroi ministrja, duke përsëritur se Danimarka mbështet qendrat e kthimit si modeli që rezulton nga marrëveshja Itali-Shqipëri. “Unë besoj se kjo duhet të bëhet në nivel evropian. Rregullat ndërkombëtare – theksoi më pas Bjerre – nuk duhet t’i mbrojnë emigrantët më shumë sesa mbrojnë qytetarët evropianë”.
