Grida Duma ka rrëfyer se si ka qenë fillimi i moderimit të “Top Story-t”, teksa erdhi fill pas largimit të saj nga salla e Kuvendit.
Ajo tregoi se kishte vënë një bast me veten, pasi përvoja ishte e papërjetuar më parë.
“Kisha bast me veten, nuk ishte një përvojë e provuar. Së pari dilema në natën e parë të Top Story-t ka qenë se si do të ishte hyrja. Domethënë unë do të hyja pa dhënë një sqarim, apo të thoja se si nga Parlamenti ndodhesha tashmë në një studio televizive. Nuk më rrinte. Nuk kam pasur shqetësim t’i them publikut ato që duhet të dijë”, u shpreh moderatorja e Top Story.
