Pas dy sezonesh në Bayer Leverkusen, Granit Xhaka është gati të ndryshojë destinacionin. Milani dhe Juventusi kanë bërë hapin e parë kundrejt mesfushorit shqiptar. Kuqezinjtë dhe “Zonja e Vjetër” kërkojnë përvojë në mesfushë, por fjala e fundit do i takojë vetë lojtari.
Raportimet e fundit nga “Footmercato” nxjerrin në pah një tjetër skenarë. Sipas mediumit në fjalë, klubi i ngjitur në elitën e futbollit arab NEOM është gati ti plotësojë çdo kërkesë klubit të Leverkusen dhe lojtarit për të transferuar në Lindjen e Mesme.
Tashmë “topi” ka kaluar në kampin e 32-vjeçarit. Varet nëse Xhaka do të zgjedh një tjetër kampionat elitar pas Bundesligës dhe Premier Leagu apo do tundohet nga paratë. Drejtori sportiv i “Djallit” Igli Tare është duke tentuar në çdo mënyrë për të bindur “Aspirinat” dhe Xhakën, por deri tani pa sukses.
