Të gjithë deputetët dhe drejtuesit politikë që nuk kanë zgjedhje në bashkinë e tyre, do të angazhohen në fushatën e Tiranës në mbështetje të kandidates socialiste, Ogerta Manastirliu.
Kjo është direktiva e kryeministrit Edi Rama, i cili përveç drejtuesve politikë, ka theksuar se në terren do të zbresin edhe ministrat, të cilëve u janë caktuar zona të caktuara.
Zonat elektorale për deputetët dhe ish-ligjvënësit socialistë që kanë garuar në Tiranë do të jenë të njëjta si ato për zgjedhjet e 11 majit. Në fushatë atyre do t’u shtohen edhe deputetët e qarqeve të tjera, në të cilat nuk ka zgjedhje të pjesshme lokale.
Sakaq, në takimin e sotëm Rama ka kërkuar që fitorja e Tiranës të konfirmojë rezultatin bindës që Partia Socialiste arriti më 11 maj.
Drejtuese e fushatës do të jetë Belinda Balluku, ndërsa bie në sy mungesa e emrit të Elisa Spiropalit në listën e drejtuesve të njësive për fushatën e 9 nëntorit në Tiranë.
Fushata e Tiranës/ Drejtuesit e njësive
Lindita Nikolla, Adea Pirdeni, Ervin Hoxha – Nj.1
Olta Xhaçka, Arben Pëllumbi, Blendi Klosi – Nj.2
Klotilda Bushka, Ermonela Felaj, Delina Ibrahimaj – Nj. 3
Blerina Gjylameti, Eduard Shalsi – Nj.4
Erion Braçe, Niko Peleshi, Taulant Balla – Nj. 5
Blendi Gonxhe, Ceno Klosi – Nj.6
Etilda Gjonaj, Iris Luarasi, Ulsi Manja – Nj.7
Igli Hasani, Milva Ekonomi, Bora Muzhaqi – Nj. 8
Mimi Kodheli, Besfort Lamallari – Nj.9
Fatmir Xhafa, Ermal Elezi – Nj.10
Albana Koçiu, Erion Malaj Rakip Suli – Nj.11
Xhemal, Ornaldo Rakipi për zonat rurale.
Anila Denaj, Sofjan Jaupaj – Nj. 13 (Farkë).
