Presidenti i FIFA-s, Gianni Infantino në një deklaratë të dhënë së fundmi ka përgëzuar Kosovën për rezultatet e saj dhe për rritjen që kjo përfaqësuese ka pasur gjatë një periudhe kaq të shkurtër kohore. Ai është shprehur me superlativa për “djemtë” e Franco Fodës.
“Askush nuk dëshiron të luajë sot ndaj Kosovës pasi ndjen rrezikun e humbjes. Nëse do të ishte njohur më herët në FIFA sot do të kishte Shaqirin dhe disa lojtarë majftë cilësor në kombëtare”, u shpreh Infantino.
Vlen të theksohet se “Dardanët “ po bëjnë një paraqitje me të vërtetë mbresëlënëse gjatë këtyre kualifikueseve të Botërorit, ku gjenden në vendin e dytë në grup. Kosova është shumë pranë fazës së “play-off”, por ekziston edhe skenari i vështirë për vendin e parë.
