Kombëtarja shqiptare e mbylli me humbje aventurën në Ligën e Kombeve të këtij sezoni.
Një mision që nuk shkoi ashtu siç duhet për skuadrën e Silvinjos. Kuqezinjtë ranë në Divizionin C, rrjedhimisht duke ulur edhe nivelin e kundërshtarëve.
Humbje që ul siparin e vitit 2024, periudhë që nuk ka rezultuar e suksesshme në fushën e lojës. Në 13 ndeshje, kombëtarja jonë ka fituar vetëm 4 herë, dy prej të cilave në miqësore.
7 janë disfatat, ndërsa vetëm dy takime kanë përfunduar në barazim, pikërisht ajo ndaj Çekisë në ndeshjen e shkuar dhe kundër Kroacisë në Euro 2024. Në 13 ndeshje, skuadra e Sylvinho ka shënuar 11 herë.
