Sivasspor u mposht ditën e sotme në shtëpi përballë Galatasaray në sfidën e vlefshme për javën e 15-të të Superligës turke. Ndeshja e zhvilluar në qytetin e Sivas, përfundoi 2-3 në favor të miqve.
Edhe pse nuk ia doli që të shënonte, Rey Manaj ishte një nga protagonistët kryesorë të kësaj sfide. Në minutën e 25-të ishte pikërisht sulmuesi i Kombëtares shqiptare që goditi shtyllën, me topin që u kthye te Rodrigues, i cili e dërgoi më pas atë në rrjetë.
Por jo vetëm kaq, Manaj iu afrua golit edhe nga një goditje dënimi në afërsi të zonës. Megjithatë, topi i goditur nga lushnjari u prit nga portieri i Galatasaray. Një tjetër rast i mirë për Manajn 3-të shtesë të pjesës së parë.
Me një super goditje fluturimthi, sulmuesi shqiptar godet traversën, duke mos mundur që të shijojë golin në një supersfidë të tillë. Por, sinjalet e numrit 9 të Sivasspor ishin mjaft pozitive, duke treguar që jo më kot është lider në repartin ofensiv.
Rastet e Rey Manaj në ndeshjes Sivasspor – Galatasaray
