Ernet Muçi dhe Milot Rashica do të bëhen me trajner të ri. Tashmë gjithçka është e kryer dhe Besiktas do të emërojë në krye të pankinës së skuadrës, norvegjezin Ole Gunnar Solskjaer.
Ky i fundit dhe klubi turk kanë rënë dakord për një kontratë 1.5 vjeçare. Pra, Solskjaer do të jetë trajner i Besiktas deri në verën e vitit 2026. Agjenti i teknikut norvegjez do të mbërrijë ditën e sotme në Stamboll për të përfunduar këtë marrëveshje.
Kujtojmë se Ole Gunnar Solskjaer njihet gjerësisht si një nga ish trajnerët e Manchester United. Por 51 vjeçari ka drejtuar edhe ekipe si Molde dhe Cardiff. Pritet të shihet si do të shkojë aventura e tij në Turqi.
