Pas arrestimit të kryebashkiakut të Tiranës, Erion Veliajt, me urdhër të SPAK, Andi Seferi është komanduar në krye të bashkisë së kryeqytetit.
Seferi që është një nga tre nënkryetarët e Bashkisë Tiranë, do të udhëheqë përkohësisht administratën e qytetit, deri në përfundimin e procedurave ligjore ndaj Veliajt.
Seferi është shprehur se do të angazhohet për ruajtjen e stabilitetit dhe vazhdimësinë e projekteve të rëndësishme për qytetin, si dhe do të punojë ngushtë me ekipin e administratës.
Po ashtu, ai ka deklaruar se do të jetë i hapur ndaj çdo hetimi që mund të zbardhë veprimet e mundshme të kundërligjshme që mund të kenë ndodhur gjatë administratës së Veliajt.
