Në Spanjë do të luhet një përballje “titanësh” mes Barcelonës dhe Atletico Madrid. Takim ky i vlefshëm për gjysmëfinalen e Copa del Rey.
Katalanasit e Hansi Flick presin në shtëpi kundërshtarët e tyre, për të bërë llogaritë e gjysmëfinales së parë, me sfidën që do të startojë në orën 21:30. Një ndeshje spektakolare pritet mes ekipeve në “Estadi Olímpic Lluís Companys” në Barcelonë, ku fitorja është mëse e detyrueshme për skuadrat.
Copa del Rey si për blaugranat ashtu edhe për madrilenët është një nga objektivat e këtij sezoni dhe fitorja në këtë sfidë do ta bëntë më të thjeshtë ndeshjen e kthimit mes tyre.
