Kreu i PD-së Sali Berisha nuk është paraqitur sot në SPAK, për shkaqe shëndetësore.
Burime nga selia e PD bëjnë me dije se mungesa e tij lidhet me probleme shëndetësore.
Më konkretisht, kryedemokrati raportohet se po kalon një situatë viroze, që e ka detyruar të qëndrojë i tërhequr nga angazhimet publike ditën e sotme.
Deri tani nuk ka një deklaratë zyrtare nga selia blu apo nga avokatët e tij.
Kujtojmë se Sali Berisha ndodhet në një proces të hapur hetimor dhe është subjekt i masës së sigurisë “detyrim paraqitje” nga ana e Prokurorisë së Posaçme.
