Një aksident i rëndë ka ndodhur ditën e sotme në rrugën e Kombit, në afërsi të Milotit.
Raportohet se në aksident janë përfshirë dy automjete, një Volkswagen Golf dhe një mjet tip “Mercedes-Benz”.
Për pasojë janë plagosur 5 persona, mes të cilëve edhe dy fëmijë.
Të plagosurit raportohet se janë dërguar me urgjencë në Spitalin e Traumës, ndërsa nga përplasja aksi rrugor u bllokua për disa momente.
Ata janë shqiptarë të Kosovës dhe ishin për pushimet e fundjavës në vendin tonë. Policia ka mbërritur në vendin e ngjarjes dhe po punon për zbardhjen e shkaqeve të aksidentit.
