Aksioni opozitar dhe mungesa në mbledhjen e komisioneve, iu ka kushtuar shtrenjtë deputetëve të opozitës, të cilëve iu janë mbajtur para ngta rroga e tyre. Në muajt Tetor dhe Nëntor, kohë në të cilën nisi dhe radikalizimi i opozitës, deputetët e grupeve opozitare kanë dhe uljen më të ndjeshme të pagave të tyre. Sipas të dhënave të publikuara nga vetë Kuvendi deputeti më i penalizuar për këto dy muaj rezulton të jetë Enkelejd Alibebaj, për shkak të mungesave të shumta në seancë. Gjatë muajit tetor, në llogarinë e tij kanë kaluar 82 mijë lekë më pak ndërsa në muajin nëntor, i janë hequr nga paga rreth 92 mijë lekë. Pas tij renditet deputetja Orjela Nebiaj, ku në periudhën tetor-nëntor Nebiajt i janë mbajtur 150 mijë lekë.
GRUPIMI BASHA, TETOR- NËNTOR
Kreshnik Çollaku 20,477 lekë 40, 945 lekë
Andia Ulliri 20, 477 lekë
Flutura Açka 10,734 lekë, 64,405l ekë
Ilda Dhori 20,477 lekë, 61, 431 lekë
Orjola Pampuri 10, 238 lekë, 40,954 lekë
Enkelejd Alibeaj 82,079 lekë, 92,142 lekë
Lulzim Basha 20, 477 lekë
Orjela Nebiaj 40,954 lekë, 102,384 lekë
Ndërkohë që edhe Gazment Bardhi nuk rezulton të jetë më pak i ndëshkuar. Gjatë dy muajve atij i është hequr një shumë prej rreth 80 mijë lekësh të rinj, ndërsa i dyti në listë rezulton të jetë deputeti Luan Baçi, të cilit i janë mbajtur rreth 72 mijë lekë.
GRUPIMI BERISHA-BARDHI, TETOR- NËNTOR
Elda Hoti 10,238 lekë, 40,954 lekë
Bujar Leskaj 20,477 lekë
Luan Baçi 71, 669 lekë
Albana Vokshi 30,715 lekë
Zheni Gjergji 32,202 lekë
Bledion Nallbati 51,192 lekë
Lefter Gështenja 20,47 lekë, 51,192 lekë
Gazment Bardhi 82,082 lekë
Ervin Salianji 10,238 lekë
Jorida Tabaku 10,734 lekë
Ramadan Likaj 20,477 lekë
Edi Paloka 10,238 lekë, 30,715 lekë
Saimir Korreshi 20,477 lekë, 10,238 lekë
Asllan Dogjani 40,954 lekë
Qani Xhafa 40,954 lekë
Sorina Koti 20,477 lekë
Ndërkohë edhe pse kanë qenë larg përplasjeve në Kuvend, me shumicën e herëve vetëm duke ngritur kartonat, për çështje mungesash nuk mungojnë as ndëshkimet në radhët e deputetëve socialistë. Agron Çela dhe Pandeli Majko renditen si ligjvënësit të cilëve iu janë hequr më shumë para. Ndërkohë në listë janë dhe deputetët Etjen Xhafaj, Paulin Stërkaj dhe Petro Koçi. Ndërkaq ish-numri dy i qeverisë Arben Ahmetaj figuron me 0 lekë prej disa muajsh, ndërsa sot iu zëvendësua përfundimisht edhe mandate i tij në Kuvend.
GRUPIMI PS, TETOR- NËNTOR
Paulin Sterkaj 20,477 lekë
Etjen Xhafaj 20,477 lekë
Pandeli Majko 40,954 lekë
Petro Koçi 10,230 lekë
Agron Çela 30,715 lekë, 61,431 lekë
Arben Ahmetaj PA PAGË, PA PAGË
Pas miratimin në mars të vitit që lamë pas, paga bruto e deputetëve të parlamentit të Shqipërisë ka shkuar në 300 mijë lekë të reja.
