Luis Henrique është kthyer në “mollë sherri” në prag të merkatos së verës. Futbollisti, i cili luan në rolin e mesfushorit të krahut të djathtë dhe të majtë, ka fituar interesin e disa klubeve “big” në Europë.
Me shumë mundësi, 23-vjeçari brazilian do ta mbyllë aventurën e tij me Marseille në Francë. Kjo për shkak se dy ekipe të mëdha si Bayern Munich dhe Inter janë futur seriozisht në garë për shërbimet e tij.
Henrique po zhvillon një sezon mjaft të mirë, ku në 31 ndeshje ka shënuar 9 gola e asistuar në 8 të tjerë. Ndërkohë Marseille kërkonë rreth 30 milionë euro për të lënë të lirë futbollistin.
Ky i fundit ende nuk e ka “ndarë mendjen” për të ardhmen dhe si Bayern ashtu e Inter po presin me interes zgjedhjen përfundimtare të 23-vjeçarit.
