U projektua si një “finale” kundër Atalantës, por nuk ndodhi kështu për Milanin. Ekipi kuqezi iu nënshtrua pa kushte bergamaskëve, aty ku vendosi goli i Ederson në minutën e 62.
Si titullarë e nisi kapiteni i kombëtares shqiptare Berat Djimsiti, i cili u zvendësua në minutën e 59, zgjidhje teknike nga trajneri i Atalantës. Më këtë humbje Milani mban vendin e 9-të në tabelë me 51 pikë, 9 më pak se zona Champions, e cila përkohësisht është “pronë” e Bologna.
Kanë mbetur edhe 6 javë kampionat, por do të jetë shumë e vështirë që ekipi i Conceicao të rikuperojë këtë hendek.
