Skuadra e Atalantës duket se do të ketë boshllëqe të mëdha në organikën e ekipit. Shumë prej lojtarëve të trajnerit Gian Piero Gasperini do të jenë jashtë dhe kthimi i tyre nuk është bërë ende i ditur.
Duke filluar nga Gianluca Scamacca që do të operohet, por ende nuk dihet data. Jashtë për ndeshjen e fundjavës do të jenë dhe portieri Carnesecchi dhe Ademola Lookman.
Ndërsa në repartin difensiv do të mungojnë Kossounou dhe Scalvini. Një detyrë me peshë për mbrojtësin e Kombëtares Shqiptare, Berat Gjimshitin që do të jetë lideri i ekipit në treshen e mbrojtjes, i mbështetur nga Hien dhe Posch.
Sezonin aktual, mbrojtësi kuqezi ka qenë një ndër lojtarët kyç në formacionin e Gasperinit duke u paraqitur në 32 takime në të gjitha garat. Gjithashtu ka kontribuar në fazën ofensive me dy gola të shënuar.
