Siç e dini tashmë, Superliga e Kosovës rinis në shkurt dhe gjatë kësaj periudhe shumë klube po kryejnë përgatitje ose teste miqësore. Një ndër to është dhe Gjilani që prej kohësh ndodhet në Antalya.
Ish-klubi i Ergys Kaçes ka zhvilluar një tjetër miqësore në Turqi. Klubi shqiptar ka barazuar ndaj moldavëve të Zimbru Chisinau. Shifrat 1-1 vulosën fatet e takimit ndaj moldavëve, mbajtur në qytetin turk. Realizimi i Almir Aganspahic në minutën e 73-të ishte goli i vetëm për ekipin nga AlbiMall Superliga.
Gjilanasit kishin zhvilluar dhe një tjetër test para disa ditësh ndaj një klubi modest nga Kazakistani. Ndërkohë, ndeshja e sotme bëhet barazimi i tretë gjatë kampit të Antalyas, shtuar këtu atë ndaj kazakëve dhe atë ndaj klubit bullgar të Krumovgrad.
