Jonathan Tah është një nga dëshirat e Barcelonës. Drejtuesit spanjollë provuan gjithçka për të bërë të mundur transferimin e tij në La Liga, por nuk ia dolën dot në merkaton e janarit.
Gjithsesi katalanasit nuk heqin dorë nga 28-vjeçari. Tashmë krerët e klubit kanë nisur të mendojë dhe të “thurin” planin për merkaton e verës. Hansi Flick e dëshiron shumë gjermanin ta ketë në skuadër dhe diçka e tillë do të provohet sërish në muajt e ardhshëm.
Aktualisht Tah është pjesë e Bayer Leverkusen, me këto të fundit që ka kontratë deri në fund të këtij sezoni. Kjo do t’u japë mundësinë spanjollëve ta transferojnë me parametra zero.
