Ish-kryeministri Sali Berisha ka mbajtur edhe sot protestën e radhës nga dritarja e banesës së tij, ku ka komentuar edhe përfshirjen e bashkëshortit të ministres Delina Ibrahimaj në një ngjarje të rëndë të ndodhur 5 muaj më parë por të publikuar sot në media.
Berisha tha se Ardi Ibrahimaj qëlloi me thikë drejtorin e Ministrisë së Financave, pasi i kërkonte që të dorëhiqej sepse dëshironte që atë post ta merrte një mik i tij.
Ngjarja e publikuar sot në media solli reagimin e Policisë së Shtetit, dhe vetë ministres Ibrahimaj, teksa kjo e fundit bëri e dije se Prokuroria e Tiranës e ka mbyllur si çeshtje.
Reagimi i Berishës:
Andri Ibrahimaj, burri i ish-ministres së Financave, tani ka një ministri tjetër, i del përpara drejtorit të Ministrisë së Financave, i fut thikat pasi ai refuzon të largohet nga detyra.
I kërkon të japë dorëheqjen sepse atë vend do e merrte një mik i tij.
Çan ferrën, arratiset dhe kthehet pasi ministrja Ibrahimaj me Edi Ramën, me Agaçin dhe pafytyrë të tjerë, i jep pafajësinë.
Kurse sot, imagjinojeni ju, këtë delinkuente, sot deklaronte se gabimi im është se nuk e padita drejtorin. Që burri i saj i futi thika. Me raport mjekoligjor.
