Ish-kryeministri Sali Berisha nuk tërhiqet nga protestat përpara Bashkisë së Tiranës, duke paralajmëruar një tjetër tubim edhe më të madh ditën e premte.
Nga dritarja e shtëpisë së tij, ku ndodhet nën arrest shtëpie, Berisha ka kërcënuar kryetarin e Bashkisë, Erion Veliaj se të premten “nuk do të ketë shpëtim”.
Opozita protestoi sot para Bashkisë, duke kërkuar dorëheqjen e Veliajt, ku nuk munguan as përplasjet me efektivët e policisë së shtetit.
Pjesë nga deklarata e Berishës:
Mirëmbrëma dhe një përshëndetje të përzemërt për ju misionarë të pamposhtur të dinjitetit, të shpresës.
Luftëtarë të të vërtetës.
Përshëndetje oratorëve të mrekullueshëm që kanë shndërruar këtë platformë në platformat e vërtetave më qenësore, më jetike për shqiptarët.
Por unë kam sot një përshëndetje më të veçantë për të gjithë protestuesit kundër kryehajnit të Bashkisë së Tiranës, të cilët me protestën e tyre përcollën mesazhin në mbarë Shqipërinë dhe botën se shtëpia e parë e qytetarëve të Tiranës është e pushtuar nga një hajdut ordiner.
Se shtëpia e parë e qytetarëve të Tiranës është e përdhosur nga një hajdut që vjedh 100 përqind të fondeve publike dhe i shndërron ato në hotele me 5 yje.
I shndërron ato në pallate 10 e 12-katëshe.
I shndërron ato në lokale dhe klube.
I shndërron ato në udhëtime dhe vakanca në të katër anët e dheut.
I shndërron ato në llogari të fshehta offshore.
Protesta e sotme ishte një protestë që bashkia nuk e ka parë ndonjëherë.
Dhe e garantoj se e premtja që vjen, do ta tmerrojë Erion Veliajn.
Të premten, e treta e vërteta.
Erion Veliaj jep dorëheqjen, mos u fut më në bashki.
Nuk ke shpëtim!
