Dash Sula, i ftuar në studion e “Debat” me Alba Alishanin, në A2 CNN, deklaroi se Partia Demokratike do të kishte marrë “lumë votash” në 11 maj, nëse Sali Berisha do të ishte zmbrapsur nga politika.
“Shqiptarët nuk mund ta pranojnë dot që një makinë të vjetër politike si Edi Rama ta zëvendësojnë me një makinë edhe më të vjetër si Sali Berisha. Për problemet e shumta që ka Partia Demokratike, që kanë lindur për shkak të dyshes Basha-Berisha, Ajnshtajni ka një citim: “Problemet nuk zgjidhen nga mendjet që i krijuan ato”. PS është një lumë që të mbyt, PD ishte shndërruar në përrua të vogël. Opozita duhej bashkuar. Duhet të vendosësh një frymë, që uragani po vjen. Nëse do të kishte zmbrapsje të Sali Berishës, do të kishte lumë votash për PD”, tha Sula
