Partia Demokratike do të hapë zyrtarisht fushatën elektorale në datën 11 Prill, në ditën e parë të periudhës zyrtare të fushatës elektorale dhe 1 muaj para zgjedhjeve të 11 majit.
Demokratët kanë zgjedhur që hapjen e fushatës ta bëjnë në sheshin “Nënë Tereza”.
Organizimi nis në orën 19:00, ku pritet që të jenë kandidatët e të gjitha qarqeve dhe kryedemokrati Sali Berisha do të ketë fjalën kryesore.
Mësohet se në këtë ditë do jetë prezent edhe Chris Lacivita, strategu i fushatës për zgjedhjet e 11 majit.
Ndërkohë një ditë pas hapjes së fushatës në 12 prill, demokratët do të bëjnë prezantimin edhe të të gjithë programit elektoral.
