Zbardhen detaje në lidhje me ngjarjen e rëndë që ndodhi në Tapizë të Krujës, ku një 42-vjeçare pasi lindi, foshnjën e ka hedhur në lum.
E përfshirë në ngjarjen e rëndë duket se është dhe vajza e madhe e gruas, e cila mendohet se ka hedhur mbetjet dhe foshnjën, të futur në një qese plastike, në një kosh në lumin e Tapizës.
Por vajza e madhe ka mohuar para policisë që të ishte në dijeni për faktin se brenda qeses kishte një foshnjë. Policia ka dyshime se familjarë të tjerë kanë qenë në banesë kur ka ardhur në jetë fëmija.
Ndërkohë, ata nuk kanë qenë bashkëpunues me policinë, për të zbardhur të vërtetën mbi ngjarjen që tronditi opinionin publik. Sakaq, gruaja ndodhet në spital në gjendje të rënduar psikologjike. Policia po heton ngjarjen.
42-vjeçarja aktualisht ndodhet në masë arresti në një spital në Tiranë. Nëna e 3 vajzave dhe 2 djemve ku më i madhi 20 vjeç, ka dëshmuar momentet e para për efektivët se ka pretenduar se foshnja kishte lindur e pa jetë.
Në polici 42-vjeçarja ka thënë se nuk e dinte ku ekzaktësisht e kishte hedhur foshnjën duke e rrëfyer atë pas insistimit të hetuesve që më gjetën beben e sapolindur të gjinisë vajzë në bregun e lumit Tapizë brenda një qeseje.
