Ndonëse u bashkua me Juventusin në verën e vitit të kaluar, por Michele Di Gregorio mund të bëhet zgjedhje e dytë në Torino. Në kampin bardhezi po përgatiten për sezonin e ardhshëm dhe tashmë janë në ndjekje të një portieri me përvojë.
Në syrin e Juventusit, është së fundmi David De Gea i Fiorentinës. Siç raportojnë mediat italiane, në rast të një lamtumire të Di Gregorio, 34-vjeçari spanjoll do të ishte profili ideal që do të mbronte portën e bardhezinjve.
Megjithatë, për të arritur tek shërbimet e David De Geas, Juventusi do të duhet të bindë fillimisht Fiorentinën. Portieri spanjoll ka një kontratë me toskanët deri në fund të sezonit, me opsion për një vit shtesë.
