Ndonëse është larguar pak nga ‘skena’ europiane, por Angel Di Maria vazhdon të jetë një futbollist i niveleve të larta. Në moshën 37-vjeçare, fantazisti argjentinas është një prej liderëve në skuadrën e Benficës.
Kjo ka bërë që skuadra e Lisbonës të mendojë të zgjasë bashkëpunimin me ish-lojtarin e Juventusit. Kontrata aktuale e Angel Di Marias me “shqiponjat” skadon në fund të këtij sezoni.
Siç raportojnë mediat argjentinase, 37-vjeçari dhe klubi i Benficës po punojnë për të zgjatur bashkëpunimin edhe për një vit. Di Maria ka zhvilluar 23 paraqitje këtë sezon në kampionat duke shënuar 8 gola dhe 5 asiste.
