Dita sot do të jetë me mot të paqëndrueshëm në të gjithë vendin. Gjatë orëve të pasdites, vranësirat e dendura do të jenë prezente në të gjithë territorin e vendit duke gjeneruar rrebeshe afat-shkurtra shiu, ku më të dukshme priten në gjysmën Lindore te Shqipërisë.
Temperaturat në vlerat minimale variojnë nga 8 gradë Celsius në Bajram Curr dhe Gjirokastër, ndërsa në vlerat maksimale do të variojnë nga 20 gradë Celsius në Bajram Curr deri në 27 gradë në Elbasan dhe Berat.
Era do të fryjë me drejtim veriperëndim-verilindje me shpejtësi mesatare 5 m/s, ndërsa përgjatë vijës bregdetare e lugina era fiton shpejtësi deri në 10 m/s.
