Policia italiane njofton se ka arrestuar një 35-vjeçar nga Breno, në Valle Camonica, me akuzën se kishte përndjekur ish-të dashurën e tij 33-vjeçare.
Sipas mediave italiane, ai e kërcënoi të renë se do ta digjte me acid. Përndjekja e 33-vjeçares filloi pas përfundimit të marrëdhënies.
Kërcënimet e përsëritura bënë që viktima t’i drejtohej Policisë së Brenos, e cila arrestoi ish-të dashurin e saj.
35-vjeçari do të duhet të paraqitet para gjykatësit të hënën, për t’u njohur me masën e sigurisë.
