Ylli i muzikës pop Dua Lipa ka bërë thirrje këtë të mërkurë për armëpushim të luftës në Gaza, e cila deri më tani ka marrë mijëra jetë të pafajshme, mes të cilëve shumica fëmijë. Gjatë një interviste për “Rolling Stone”, Lipa ka kujtuar luftën në Kosovë, duke u shprehur se ngaqë e di se si është lufta, situata në Gaza duhet të normalizohet.
Ajo tha se jeton në Angli, pikërisht nga fakti se prindërit e saj u detyruan të largoheshin nga Kosova për shkak të luftës.
“Unë ndjej për njerëzit që duhet të lënë shtëpinë e tyre. Nga përvoja ime e qenies në Kosovë dhe kuptimi i asaj që bën lufta, askush nuk dëshiron me të vërtetë të lërë shtëpinë e tyre. E bëjnë për mbrojtje, për të shpëtuar familjen e tyre, për të kujdesur për njerëzit përreth tyre, për një jetë më të mirë. Kështu që ndihem empatike me ta. Ndjenjat e mia për njerëzit e zhvendosur janë shumë reale dhe të papërpunuara, dhe është një temë e vështirë për t’u diskutuar sepse është kaq ndarëse. Më vjen keq për çdo jetë izraelite të humbur dhe për atë që ndodhi më 7 tetor”, tha Dua.
