Një 35-vjeçar në Divjakë është arrestuar pasi dyshohet se ka kryer marrëdhënie seksuale me një 14-vjeçare, njofton policia e Fierit.
“Specialistët për Hetimin e Krimeve të Komisariatit të Policisë Divjakë vunë në pranga shtetasin A. A., 35 vjeç, banues në Divjakë, pasi dyshohet se ka kryer marrëdhënie seksuale me një 14-vjeçare”,thuhet në njoftim.
Policia gjithashtu ka nisur procedim penal ndaj një 17-vjeçari në Fier, pasi një bashkëmoshatare e ka denoncuar në polici.
Sipas adoleshentes, 17-vjeçari ka kryer marrëdhënie seksuale me dhunë, me të.
Policia e Fierit njofton se po kryhen veprimet për verifikimin e kallëzimit.
“Specialistët për Hetimin e Krimeve të Komisariatit të Policisë Lushnjë referuan materialet në Prokurori ku nisi procedimi në gjendje të lirë për një 17-vjeçar, pasi ka kallëzuar një 17-vjeçare se ky shtetas ka kryer marrëdhënie seksuale me dhunë, me të. Vijojnë veprimet për të verifikuar kallëzimin”, njofton policia.
