Milani është shumë pranë transferimit të Ardon Jasharit, por nuk është e njëjta gjë për Granit Xhakën. Mesfushori shqiptar i cili ishte i destinuar të transferohej në Milano, tashmë është tepër larg.
Siç raportojnë mediat italiane, tashmë në garë për Granit Xhakën është futur Juventusi. Igor Tudor po kërkon të revolucionojë mesfushën dhe emri i mesfushorit të Zvicrës ka dalë në skenë orët e fundit.
Siç raporton “Gazzetta dello Sport”, Bayer Leverkusen do të mjaftohej me një ofertë nga 12 deri në 15 milionë euro për të shitur Xhakën. Largimi i Xabi Alonsos nga stoli, ka intriguar shqiptarin për një aventurë të re.
