Florian Përgjoni mbylli pak ditë më parë aventurën e tij me Tiranën. Por mbrojtësi mbetet në Superiore.
Ish-kapiteni i bardhebluve i është bashkuar Teutës dhe ka vendosur të vazhdojë karrierën në Durrës. Për “Djemtë e Detit” është një afrim shumë i rëndësishëm, pasi do të “blindohet” mbrojtja. Palët kanë arritur marrëveshjen dhe do të firmosin mes tyre një kontratë 2-vjeçare.
Siç dihet Përgjoni u largua nga Tirana pas 4 sezonesh, duke luajtur në total 112 ndeshje. Madje ia doli të shënonte edhe 6 gola. Ndërkohë në sezonin që kaloi ishte në fushë në 27 ndeshje, duke shënuar 2 gola dhe dhuruar edhe 3 asiste.
