I papritur është lajmi që vjen nga klubi i Romës. Daniele De Rossi nuk është më trajner i skuadrës italiane, pasi klubi e ka shkarkuar nga kjo detyrë.
Pavarësisht se vetëm pak muaj më parë palët firmosën mes tyre rinovimin e kontratës, rezultstet e siguruara në 4 javët e para të këtij fillim sezoni kanë zhgënjyer drejtuesit. De Rossi ka siguruar vetëm 3 pikë në 4 ndeshje dhe endet në pjesën e fundit të tabelës.
Lajmin e shkarkimit e ka bërë të ditur vetë klubi nëpërmjet një njoftimi në rrjetet sociale. Roma falenderon trajnerin italian për konributin e dhënë, ndërsa i uron suksese në vazhdim.
