“Ekspozita” me këpucë, nisma e veçantë e prokurorisë së Elbasanit për dhunën ndaj grave

Në kuadër të luftës kundër dhunës në familje Prokuroria e Elbasanit ka ndërmarrë një nismë të veçantë me qëllim sensibilizimin e grave dhe vajzave që janë pre e dhunës në familje.

Me iniciativë të kryeprokurorit të rrethit Kreshnik Ajazi si dhe bashkëpunimin e stafit të prokurorisë Elbasan u përcoll një mesazh sensibilizues për dhunën në familje. Në mënyrë simbolike si homazh për të gjitha gratë dhe vajzat që kanë humbur jetën si pasojë e dhunës në familje hyrja e prokurorisë u “mbulua” nga këpucë të kuqe.

Përmes këtij mesazhi sensibilizues, Prokuroria e Elbasanit synon t’i përcjellë çdo gruaje a vajze që sot është në një situatë dhune, faktin se nuk është vetëm.

Lajme të tjera |  250 MILION EURO investim në bujqësi, Rama batuta me bankierët: Përndryshe e keni të sigurt vendin në ferr!

Të gjitha organet ligjzbatuese në vendin tonë do të jenë menjëherë në ndihmë të çdo personi që është pre e një familjari apo bashkëshorti abuzues.

Prokuroria e Rrethit Gjyqësor Elbasan fton çdo person të denoncojë dhunën në numrat pa pagesë 112, 129 ose online në komisariatin digjital, duke iu ruajtur anonimati.

Lajme të ngjashme

Lajmet e fundit

Contact Us