Egnatia arriti të kalojë në finale mbrëmjen e djeshme dhe do të ndeshet me Vllazninë. Skuadra rrogozhinase u kualifikua ndaj Partizanit edhe pse ndeshja përundoi pa gola, për shkak se Egnatia e mbylli Superioren në vendin e parë.
Pas përfundimit të ndeshjes së sotme, klubi i Egnatias ka reaguar në rrjetet sociale me një postim. “Egnatia madhe është në finale”, shkruan klubi rrogozhinas pas kualifikimit ndaj “demave të kuq”.
Egnatia do të përballet pas një jave më datë 12 maj në “Arenën Kombëtare” me Vllazninë, për të zbuluar se kush do të jetë kampione e Shqipërisë për edicionin 2024/25.
