Largimi i Thiago Mottës dhe ardhja e Igor Tudor, duket se nuk ka ndikuar mirë për dy lojtarë në kampin e Juventusit. Bëhet fjalë për të huazuarit, Randal Kolo Muani dhe Fransicso Conceicao.
Emërimi i teknikut kroat në ambientin bardhezi, i ka lënë prapa dy lojtarët e përmendur më sipër. Siç raportojnë mediat italiane, në rast se Tudor do të konfirmohet në stol, Juventusi nuk do të blejë përfundimisht shërbimet e tyre.
Në rast se Juventusi duhet të blejë shërbimet e Conceicao, duhet të paguajë për Poton 30 milionë euro. E nëse Kolo Muani duhet të vishet përfundimisht bardhezi, PSG kërkon të paktën 45-50 milionë euro.
