Trajneri i Chelsea, Enzo Maresca ka përjashtuar nga lista për Kupën e Botës për Klube disa prej yjeve të ekipit.
“Blutë” e Londrës do ta nisin turneun e 32 ekipeve ditën e hënë, ku do të udhëtojnë drejt Shteteve të Bashkuara të Amerikës. Por në turne nuk do të jenë lojtarët e kthyer nga huazimet Raheem Sterling, Joao Felix, Djordje Petrovic dhe Axel Disasi. Mes emrave, gjendet edhe ai i Armando Brojës, emri i të cilit nuk ka arritur të përfshihet në planet e trajnerit.
Por nga ana tjetër, sulmuesi i kombëtares ka tërhequr interesin e dy klubeve gjermane, Leipzig dhe Wolfsburg.
Vlera e kartonit të tij është 28 milionë euro, kurse kontrata me klubin është e vlefshme deri në vitin 2028.
