Në Francë sot të gjithë do të jenë sy e veshë nga “Stade de France”, aty ku do të luhet një ndeshje finale. Kjo pasi PSG-ja do të sfidojë Reims për Kupën e Francës.
Një sfidë shumë e rëndësishme për parizienët, të cilët do të jenë në fushë “all-in” për të tentuar një tjetër trofe pas titullit kampion në Ligue 1. Duel ky që do të startojë në orën 21:00.
Kjo sfidë vjen vetëm 1 javë para finales së madhe ndaj Interit në Champions League. Skuadra e Luis Enriques synon trofeun e Kupës së Francës për të tentuar më pas edhe fitimin e tripletës në këtë sezon. Një 90-të minutësh i luftuar dhe mjaft emocionues do të luhet në “Stade de France”.
