Tirana arriti një fitore të rëndësishme dje ndaj Skënderbeut me shifrat 1-0 falë një goli me penallti të realizuar nga Bajrovic. Protagonist në fitimin e kësaj penalltie, ishte padyshim Serxho Vogli që e fitoi atë brenda zonës.
Gjithashtu e djeshmja ishte ndeshja e parë për 16-vjeçarin, duke qenë ky një debutim ëndrrash për të. Klubi i Tiranës vijon të jetë në mbështetje dhe të besojë tek talentët.
“Në ciklin e pandalur të prodhimit të talenteve, një tjetër emër i të rinjve të akademisë Tirana, debuton me ekipin e parë.
Serxho Vogli aktivizohet në ndeshjen Tirana – Skënderbeu dhe kthehet në protagonist me lojën e tij.”, shkruan klubi bardheblu.
