Qazim Laçi vazhdon të jetë një lider te Sparta e Prague në Çeki. Mesfushori i Kombëtares ditën e djeshme ia doli të ishte protagonist në fitoren 2-1 të skuadrës së tij ndaj Jablonec.
Laçi dhuroi një asist përfekt për Albion Rrahmanin për të barazuar rezultatin 1-1 në minutën e 51-të. Nga goditja e këndit, topi i goditur nga mesfushori kuqezi gjeti në vendin e duhur futbollistin tjetër shqiptar, me këtë të fundit që tundi rrjetën.
Paraqitja e Laçit është vlerësuar me notën 7.9. Gjithashtu është zgjedhur në 11-shen më të mirë të javës së 19-të në kampionatin çek.
