Me 9 prill të këtij viti ndërroi jetë Luan Gjini, i njohur ndryshe si “Lani” i Partizani. Prej 2 dekadash dha kontributin e tij te skuadra kryeqytetasve, duke qenë një nga punonjësit më besnik të “Demave”.
Ikja e tij ishte e parakohshme, por Lani vazhdon të mbetet në zemrat e gjithëve, sidomos të atyre të Partizanit apo njerëzve që e kanë njohur dhe kanë punuar me të.
Një i tillë është edhe Rraman Hallaci, i cili e ka kujtuar nëpërmjet një fotoje. Ish-trajneri i Kukësit ka patur fatin ta njohë Lanin në periudhën kur luante te Partizani. Në foton e postuar nga Hallaçi shkruhet “Do të të kujtoj gjithmonë me mall shoku im, Lani i Partizanit!”, duke emocionuar me fjalët ndaj tij.
